Eid milad un nabi(s) in the light of Quran o Sahih Aahadees

Assalam o alaikum wa rahmat ullahi wa barakatuhu

     Tamam hamd o sana ka maalik akela Allah hai.jisne hamari rahnumaayi keliye apne pyaare nabi(s) ko maboos farmaya.hazar durood o salaam ho unpar jinka ek ek lamha ummat ki khair khwahi aur tableegh me guzra.

Rasool sallallahu alaihi wasallam ki wilaadat aur aapki baasat tamam dunya k logaon keliye ek azeem nemat hai.laikin aaj bahot kum log aise hain jo is nemat ki khadar karte hain.is nemat ki sahih qadar to sahaba ikraam ne hi ki inke dil me nabi(s) ki itni mohabbat thi k jahan aapka paseena girta wahan sahaba razi Allahu ajmayeen apna khoone(blood) bahaane keliye tayyar hojaate.ab agar koi shaqs sahaba k tareeqe ko chor kar koi naya tareeqa ijaad kare to wo biddat aur gumrahi hai.kyunke nabi(s) ne farmaya k "mun amal amalan laisa alaihi amrina fahuwa radd" yaani jisne wo kaam kia jispar hamara tareeqa nahi to wo mardood hai.(sahih bukhari wa muslim)

Laikin afsoos k hum musalman aaj tarha tarha ki biddataon me mulawwis hain jinka quran o sunnat se aur naahi sahaba aur taba taabayeen se iska saboot milta hai.usi me se ek hai is month ki 12 taareeq ya 12 / rabi ul awwal ko nabi kareem(s) ki wilaadat ki khushi me eid manana.aayie hum jaanne ki koshish karte hain k nabi(s) ki wiladat kab aur kahan hui.nabi(s) ki wilaadat k taaluq se chund ek ikhtilafaat hain laikin mustanad riwayaat se pata chalta hai k nabi(s) ki wilaadat 9/rabi ul awwal ko Monday k din subah makkah tul mukarrama me hui.(natayej ul afhaam fee taqweem al-arab qabl al islam.page no.28/35,printed Beirut)aur wafaat 12/rabi ul awwal 11 hijri Monday k din chaasht ki shiddat k waqt hui aur us waqt nabi(s) ki umar(age) 63 yrs 4 days hochuki thi.inna lillahi wa inna ilaihi raajaoon.(sahih bukhari,chapter marz an nabi(s) wa chapter aakhir maa tukallim an nabi(s).jild 2 page no.638/641.)

Aur jaisa k maine oopar sure al-maayeda 3 ki aayth likhi uska tarjuma is tarha hai"aaj maine tumhare liye deen ko mukammal kardiya.aur tumhe apna eemaan bharpoor dedia aur tumhare liye Islam k deen hone par main raza mand hogaya"is aayath ki tafseer me hafiz ibn kaseer masnad ahmed ki is hadees ko naql karte hain k jab ye aayath naazil hui to ek yahoodi ne hazrat omar(r) se kaha k agar ye aayath yahoodiaon par naazil hoti to hum is din ko eid mana lete.hazrat omar(r) ne farmaya k wallah mujhe maaloom hai k ye aayath yaum ul arfa k din juma ki raat me naazil hui aur hum sub us waqt maidan e arfa me thei.

Aur isi tarha hajjat ul wida k maoqe par nabi (s) ne sahaba se qitaab karte hue farmayaa.k" main tum me do cheezen chorey jaaraha hon agar tumne isey mazbooti se pakde rakha to kabhi gumrah na hoge aur wo hai kitab Allah aur sunnt e rasoolihi.( sahih muslim-chapter hujjat un nabi(s) jild 1 page no.397 ) aur isi tarha sahaba ko doosri aur naseehatein ki.uske baad farmaya "tumse mere taaluq se poocha jaane wala hai to tum kia kahoge.sahaba ne kaha hum shahadat dete hain k aap sallallahu alaihi wasallam ne huq e risaalat ada kardiya. Paighaam pahunchaadiya aur khair khawahi ka huq ada kardiya.ye sun kar aap sallallahu alaihi wasallam ne apni shahadat ki ungli ko aasmaan ki taraf uthaaya aur sahaba ki taraf jhukaate hue 3 dafa farmaya.aye Allah gawah rah.(sahih muslim jild 1 page no.397).

is quran o sahih aahadees k dalayel se pata chalta hai k deen mukammal hochuka hai.isme kisi bhi qism ki kami o beshi najayez o haram hai.aur nabi(s) ne apna huq e risaalat ada farma dia.agar koi shaqs isme ksi bhi qism ki eejaad karta hai to wo biddat hai kyunke nabi(s) ne farmaya "kullu muhadasatin bida wa kullu bidatin zalala wa kullu zalaltin fin naar"deen me har nayi ejaad biddat hai aur har biddat zalalat hai aur har zalalat jahannum me lejaane wali hai.

Ab aayiye mustanid Islamic taareeqi riwayataon se dekhte hain k is biddat ki ibteda kahan se aur kaise hui.ye biddat e milaad (700 hijri )me ejaad hui isiliye allama ibn hajar asqalani farmaate hain."an asl al mauled bidda".yaani mahfil e milaad biddat hai.isi tarha naseer uddin shaafayi, abdul rahman hanfi , allama ibn alhaaj maalki,shaik sharf uddin ahmed,allama taaj uddin faakihaani ne apne fatwaon me mahfil e milaad ko najaayez aur biddat qarar diya hai.iski ibteda k bare me allama seuti rahimahumullah ne apni kitab(hasan al maqsad fee amal al maulood) me likhte hain k is biddat ko ejaad karne wala "shah arbal abu sayeed bin zain uddin hai".aur isi ne us waqt k mausil k hukumran malik muzaffar ko is eid k karne ki targheeb di aur isi ne subse pahle is eid ka ehtemaam kia.

Aur jo log is eid k khayel hain unki daleel ye hai k jab nabi(s) ki wiladat hui to soobiya naami abu lahab ki ek laundi ne aakar abu lahab ko is baat ki itella di k Abdullah k haan ladka paida hua hai.ye sunkar abu lahab ne us laundi ko aazad kardiya.wallahu aalam.aur isi waqiye ko daleel banakar aaj naam nihaad muslaman isko jashn e eid milad k naam se mana rahe hain.

Doston mere nabi sallallahu alaihi wasallam nabuwat milne k baad 23 saal tak apne sahaba raziAllahu anhum k saath rahe laikin is 23 saala zindagi me kabhi eid milaad nahi manayi.aur isi tarha hajjat ul wida k maoqe par nabi sallallahu alaihi wasallam ne sahaba se farmaya k maine huq ada kardiya aur us par Allah ko gawah rakha.hamare liye bhi sahaba ideal hain wo nabi sallallahu alaihi wasallam se be iqtiyar mohabbat karte thei laikin jab unhone hi eid milaad nahi manayi to hum kyun ye eid manayen.isliye hame in cheezon se bachna chahiye jo quan o sunnat k khilaaf hon.

Allah hame kahne aur sunne se ziada amal karne ki taufeeq ata farma aameen ya rab al aalameen