NAMAZ KA MASNOON TARIKA

NAMAZ KA MASNOON TARIKA...............
Assalamo Alaikum
Aaj se hum inshALLAH Nabiye Akram
Sallallahu Alaihy Wasallam ka Tarikae
Namaz Quran or Sahi Ahaadis ki Roshni
men Janne ki Koshish Karenge.ALLAH iss
Kam ko Mukaamal Karne Men Meri Madad
Farmaey.AMEEN
ALLAH ne Farmaya
Namaz Uss Tarah Parho Jis Tarah ALLAH ne
Tumhen Sikhaie hey.
Surae Baqarah Ayat num 239
Nabiye Akram Sallallahu Alaihy Wasallam ne
Farmaya
Namaz iss Tarah Parho Jiss Tarah Mujhe
Parhte Huwe Dekhte ho.
Sahi Bukhari Kitab_ul_Azaan Hadis num 631
Namaz_e_Nabvi SallALLAHu
AlaihyWasallam
1_Takbeer_e_Teh reema ka bayaan
Nabiye Akram Sallallahu Alaihy Wasallam ne
Farmaya
Namaz ( k Doraan men Baat Cheet ) ka
Haraam Hona Takbeer hi k Baad hey.or iss
(Baat Cheet) ka Halaal Hona Salam hi (k
Baad) hey.
Abu Dawood Kitab_ut_Tahara at Hadis Num
61
2_Qayaam ka bayan
Nabiye Akram Sallallahu Alaihy Wasallam ne
Farmaya
Khare hokar Namaz Parho, Taqat na ho tu
Beth kar parh lo, iski Taqat na ho tu Phir
Lait kar Namaz Parh lo.
Sahi Bukhari Kitab_ut_Taqsee r Hadis Num
1117
3_Rafaydain (Yani dono Hathon ko Uthana)
Abdullah Bin Umar RaziyALLAHU Anhu
farmate hen k
Mene Nabiye Akram Sallallahu Alaihy
Wasallam ko Takber kehtehuwe dekha k
aap Takber Kehte huwe apne dono Hathon
ko Kandhon k Baraber uthate they.
Sahi Bukhari Kitab_ul_Azaan Hadis Num
738
4_Hath Baandhna
Sahal bin Saad RaziyALLAHU Anhufarmate
hen k
Logon ko Hukum diya Jata tha k woh
Namaz men Dayaan hath ( right hand )
Baayen ( left ) Ziraa (the part of hand
which starts from the middle finger of the
hand and its end on elbow) par Rakhen.
Sahi Bukhari Kitab_ul_Azaan Hadis Num
740
5_Seney Par Hath Baandhna
Waaiel Bin Hajar RaziyALLAHU Ta'ala Anhu
Farmate hen
Mene Nabiye Akram Sallallahu Alaihy
Wasallam k sath Namaz Parhi tu Aapne
Apna Sedha Hath ulte Hath par Rakh kar
( Dono Hath) Seney par Baandhe.
Sahi ibne Khuzaima Kitab_Us_Salat Jild 1
Page 243 Hadis Num 479
NOTE
Naaf k Nechey Hath Baandhne ki koi Sahi
Hadis Nahi Hey.
6-Dua_e_istifta ah
Nabiye Akram Sallallahu Alaihy Wasallam
Namaz men Takber_e_Tehree ma k baad
yeh dua parha karte they.
Tarjuma''( Translation)
Aey ALLAH mere or mere Gunaahon k
Darmiyan dori daal de jiss tarah tu ne
Mashriq or Maghrib k Darmiyan dori daal
rakhi hey.Aey ALLAH mujhe mere
Gunaahon se iss tarah Saaf kar dek jiss
tarah Sufaid Kapre se Mail Saaf kiya jata
hey.Aey ALLAH mere Gunaahon ko Paani,
Baraf or Oulon se Dhoo Daal.
Sahi Bukhari Kitab_us_Salat Hadis Num 744
NOTE
Arbi ibaarat k liye Asal Kitab ki Taraf Rouju
karen.jazakALLA H
7_Qiraat ka bayan
Surae Fatiha Parhna
Nabiye Akram Sallallahu Alaihy Wasallam ne
farmaya
Jiss Shakhs ne Surae Fatiha nahi Parhi uss ki
Namaz nahi.
Sahi Bukhari Kitab_ul_Azaan Hadis Num
756
OR
Musnad_E_Ahmad ki ek Riwayat men hey k
kuch Sahabae Karam Rizwanullahi Alaihim
Ajmaeen Nabiye Akram Sallallahu Alaihy
Wasallam k Pechey Qiraat karte They tu
aap Sallallahu Alaihy Wasallam ne unn ko
apne PecheyQiraat karne se mana Farmaya
orFarmaya k imam k Pechey Surae Fatiha k
ilawa kuch nahi Parha karo kiyo k jo Surae
Fatiha nahi Parhta uss ki Namaz nahi hoti.
Musnad_E_Ahmad Hadis Num 23047
8 Aameen Kehna
Sayadna Waaiel bin Hajar RaziyALLAHU
Anhu Farmate hen kNabiye Akram
Sallallahu Alaihy Wasallam jub
Walzz_Zualleen Parhte tu Buland Awaaz se
Aameen kehte.
Abu Dauood Kitab_us_Salat HadisNum 932
Sayadna Abdullah bin Zubair RaziyALLAHU
Anhu or unn k Muqtadiyon ne iss Qadar
Buland Awaaz se Aameen kahi k Masjid
Goonj uthi.
Sahi Bukhari Kitab_ul_Azaan Taaleeqan
9_Surae Fatiha k Sath Dosri SuratMilana
Nabiye Akram Sallallahu Alaihy Wasallam ne
Ek Shakhs se Farmaya
Jub tu Qibla Rukh Hojaey tu Takbeer
(Tehreema) keh.Phir Surae Fatiha Parh,
Phir jo tu Parhna Chahta Hey Parh.
Sahi ibn_e_Habban Hadees Num 1787
10_Ruku men jate huwe Or Ruku se Uthne
k Baad dono Hathon ko Kandhon tak
Uthana
Abdullah ibne Umar RaziyALLAHUAnhu
Farmate hen k Nabiye Akram Sallallahu
Alaihy Wasallam Jub Namaz Shuro Kartetu
Kandhon tak apne dono Hathon ko Uthate
or isi Tarah Ruku men jate Waqt or Ruku se
sir Uthate Waqt karte They.or dono Sajdon
k Darmiyan Hathon ko nahi Uthate They.
Sahi Muslim Kitaab_us_Salat Hadees Num
861
11_Tamaam Sahabaa se Rafaydain ka
Saboot
imam Saeed bin Jubair Rehmatullah Alaihy
ne Rafaydin kmutalliq Farmaya k yeh ek
aise Chez hey k Jiss k sath Namaz ki Zeenat
Hojati hey.or Nabiye Akram Sallallahu
Alaihy Wasallam k Sahabaa Shrou Namaz
men ,Ruku k Waqt, or Ruku se sir uthaane k
baad Rafaydain Karte they.
Sunan_ul_Kubra Jild 2 Page Num 109
Hadees Num 2525
12_Ruku ka Bayaan
Abu Humaid Saadi raziyALLAH Anhu
Farmate hen k
Jub Nabiye Akram Sallallahu Alaihy
Wasallam Ruku Karte tu Dono Hath
Ghuthnon par Mazbotise Jamaa lete.apni
Ungliyon ko Kholte, phir apni Kamar ko iss
Tarah Jhukate k Sir na Opar Utha Huwa
Hota or na Bilkul Jhuka Huwa hota.
Abu Dawood Kitab_us_Salat Hadees Num
731
13_Ruko or Sajdah itmenan se Karna
Huzaifa bin Yaman RaziyAllahu Anhu ne ek
Shakhs ko Namaz Parhte huwe Dekha woh
Ruko orSajdah Pori Tarah ( itmenan se )
nahi Karta tha tu Huzaifa RaziyAllahu Anhu
ne uss se Farmaya k tu ne Namaz hi nahi
Parhi or agar tu Mar gaya ( isi Tarah Namaz
Parhte huwe ) tu, tuuss Tarike par nahi
Marega Jiss par ALLAH ne Muhammad
Sallallahu Alaihy Wasallam ko Paida kiya.
Sahi Bukhari Kitab_us_Salat Hadees Num
754
Lehaza Apni Namazon ki Fikar Karen or
Namaz Men Aetedaal Yani Thehrao Lekar
Ayen.JazakALLAH
14_ruku se uth kar dua parhna
Ruku se uth kar pehle dono Hathon ko
Kandhon tak Uthaen jis ki Daleel Post num
10 men Guzar Chuki hey phir Yeh Dua
Parhen.Arabic ibaarat k liye Bookki Taraf
Ruju Karen.
Translation.
...Aey hamare Parwardigaar har qisam ki
ta'areef sirf aap k liye hey.aasmano or
zameen or har uss chez k bharao k baraber
jo aap chahen or bande ne jo apki ta'areef
or buzrugi ( bayan ) ki woh aap hi k laaiq
Hey or hum sub aap k hi bande hen.Aey
ALLAH koi rokne wala nahi uss chez ko jo
aap ne di or koi dene wala nahi uss chez ko
jo aap ne rok di.or kisi dolat_mand ko uss
ki dolat_mandi apke azaab se nahi bacha
sakti.
Sahi muslim kitab_us_salat hadisnum 477
15
RUKU SE SAJDE MEN JAANE KA TARIKA
Nabiye Akram Sallallahu Alaihy Wasallam ne
farmaya
Jub tum Sajde men jao tu Ount ki Tarah na
Betho Balke Pehle hath Rakho phir
Ghuthne Rakho.
Abu Dawoud Kitab_us_Salat Hadees Num
840
Sahabiye Rasool Sallallahu Alaihy Wasallam
ka amal.
Naafay Rematullah Alaihy Farmate hen k
Abdullah ibne Umar RaziyALLAHU Anhu
Ghuthno se Pehle apne Hath Rakha karte
hey or Farmate They
Rasoollullah Sallallahu Alaihy Wasallam Aisa
hi Kiya Karte They.
Sahi ibne Khuzaima Jild 1 Page 318
16_
Nabiye Akram Sallallahu Alaihy Wasallam ne
Farmaya
Hamen (ALLAH ki taraf se ) Hukum Diya
Gaya hey k hum Saat (7) Haddiyon par
Sajdah Karen or Apne Kapre or Baal ( Hair)
Na Sameten.
Sahi Bukhari Kitab_ul_Azaan Hadees Num
810
17_Sajdah Karne ka Tarika
Abu Humaid Sa'adi RaziyALLAHu Anhu
Farmate hen k jub Nabiye Akram
SallALLAHu Alaihy Wasallam Sajdah karte tu
Haath Zameen apr Rakhte or Baazu na
Zameen par Bichate or na Samet kar Pehlu
se Laga lete.
Sahi Bukhari Kitab_ul_azan Hadees Num
828
18_ Sajdah men Pairon ki Kefiyat
Amma Aisha RaziyALLAHu Anha Farmati
hen mene Rasoolullah SallALLAHu Alaihy
Wasallam ko Raat ko Bistar se ghum paya
menunn ko Talash karne lagi tu mera hath
apke Qadmon k ander waale hisse par laga
or aap Sajdah ki Halat men they.aap k
Paaon khare they Eariyan mili hui theen or
Aap ne Paoon ki Ungliyon ko Qibla rukh
kiya huwa tha.
Sahi Muslim kitab_us_salat Hadees Num
1090
19_Dono Sajdon k Darmiyan Bethna
Baraa bin Aazib RaziyALLAHu Anhu Bayan
Karte hen k Nabiye Akram SallALLAHu
Alaihy Wasallam ka Sajdah or Ruku or dono
Sajdon k Darmiyan ( Bethna ) Takriban
Baraber hi hota tha.
Sahi Bukhari Kitab_ul_azaan Hadees Num
780
Muhammadilibrar y.com
Muhammadi Sms Club
20_Jalsa_e_ista raahat
Maalik bin Huwairas RaziyALLAHuAnhu
Farmate hen k Mene NabiyeAkram
SallALLAHu Alaihy Wasallam ko Dekha aap
jub TaaqRakat men Hote tu ( Yani Pehli
orTeesri Rakat men ) Uss Waqt tak nahi
uth_te They k jub tak k Thori der Beth na
Lete.
Sahi Bukhari Kitab_us_Salat Hadees Num
823
Muhammadilibrar y.com
Muhammadi Sms Club
21_ Dosri Rakaat
Abu Hurairah RaziyALLAHu Anhu Bayan
Farmate hen k jub Nabiye Akram
SallALLAHu Alaihy Wasallam Dosri Rakaat k
liye Khare Hote tu ALHAMDULILLAHE
RABBIL AALAMEEN se Qiraat Shuro Karte
or ( Duaey isteftaah parhne ) k Liye
Khaamosh na Hote.
Sahi Muslim Kitab_ul_Masaji d Hadees Num
1356
[Note]
Baaki Tamam Rakaat isi Tarah Parhen Jese
Pehli Rakaat Parhte hen.
22_Tash'hud Men Bethne ka Tarika
Abu Humaid Saa'di RaziyALLAHu Anhu
Farmate hen k Nabiye Akram SallALLAHu
Alaihy Wasallam jub Dosri Rakat men
Tash'hud k Liye Beth_tey tu Bayaan ( left )
Paon Bicha kar uss par Beth_tey or Dayaan
( right ) Paon Khara kar Lete.
Sahi Bukhari Kitab_ul_Azaan Hadees Num
828
23_Tash'hud men Shahadat ki Ungli se
ishara Karna
Nabiye Akram Sall'ALLAH'u AlaihyWasallam
jub Tash'hud men Beth_tey tu Seedhe
Hath ki Shahadat ki Ungli k ilawa Tamam
Ungliyan Band kar lete.OrShahadat ki Ungli
ko Uthaa lete they Or Uss se ishara Karte.
Sahi Muslim Kitab_ul_Masaji d Hadees Num
1307,1308,1309, 1310,
24_Teesri rakat
3 Rakat ya 4 Rakat waali Namaz men jub
Pehle Tash'hud se Uthenge tu ALLAH O
AKBER Kehte huwe dono Hathon ko
Kandhon tak Uthana
Abu Huraira RaziyALLAHu Anhu Farmate
hen k Nabiye Akram SallALLAHu Alaihy
Wasallam do Rakaton k baad Beth kar jub
khare hote tu ALLAH O AKBER kehte.
Naafay Rehmatullah Alaihy Farmate hen k
Abdullah ibne Umar RaziyALLAHu Anhu jub
do Rakat se khare hote tu Rafaydainkarte
or Farmate k Nabiye AkramSallALLAHu
Alaihy Wasallam Aisa hi Kiya Karte They.
Sahi Muslim Kitab_us _Salat Hadees Num
868
Sahi Bukhari Kitab_ul_Azaan Hadees Num
739
25_Aakhri Tash'hud
Abu Humaid Saadi RaziyALLAHu Anhu
Farmate hen k
Nabiye Akram SallALLAHu Alaihy Wasallam
jub Akhri Rakat men Tash'hud men
Beth_tey tu Daayen ( Right ) Paaon ko
Khara Karte or Baayen ( Left ) Paaon ko
(Daayen Paoon ki Pindli k Necheyse ) Bahar
Nikaalte or Zameen par beth Jaate.
Sahi Bukhari Kitab_ul_Azaan Hadees Num
828
26_Akhri Tash'hud ki dua
Nabiye Akram SallALLAHu Alaihy Wasallam
ne Farmaya k jub Tum men se koi Tash'hud
(men Attahiyat or Durood_e_ibraah imi k
baad dua) Parhe tu 4 Chezon seALLAH ki
Panah Pakre. ( or ) Kahe ya ALLAH men
Panah Pakarta honTeri Jahannum k Azaab
se or Qabar k Azaab se or Zindagi or Maut
k Fitne se or Dajjal k Fitne se.
Sahi Muslim Kitab_ul_Masaji d Hadees Num
1324
NOTE: Arabic ibarat k Liye Asal Kitab ki
Taraf Ruju Karen Yahan hum ne sirf
Translation Naqal ki hey.JAZAKALLAH
27_Salam ka Bayaan
Duaen Parhne k Baad Daaeyn Taraf ( Right
Side ) Chehra Pherenor Kahen Assalamo
Alaikum wa Rahmatullah.Phi r Baaeyn Taraf
( Left Side ) Chehra Pheren or Kahen
Assalamo Alaikum Wa Rahmatullah.Or
Nabiye Akram SallALLAHu Alaihy Wasallam
iss had tak Apna Chehra Pherte they k aap
k Rukhsaaron ki Sufaidi Dekhi Jaati thi.
Abu Dawood Kitab_us_Salat Hadees Num
996